爱你等于害你?! 强国客 抢滩袋鼠国@杜游珍

有睇新闻都知,近年世界各地不时出现暴力反华事件,早2个月之嘛,澳洲悉尼曾发动过反华游行,虽然最终唔成事,但当地人对 强国客 狂扫澳洲楼而推高楼价的问题,就摆到明愈来愈不满。不过你有你唔锺意,最近Hotels.com公布《中国游客境外旅游调查报告2015》,喺「中国旅客于未来12个月希望到访的十大目 的地 」一项,第一位竟然係澳洲!

都真係估佢唔到,中国人最恨去的头号目的地,竟然唔係巴黎伦敦米兰呢类欧洲名牌大都会!阿珍立即搵返相关数据,原来有迹可寻。上年有近60万中国游客到访当地,在当地创下130亿澳元的旅游收入。见有咁大只肥羊,澳洲政府都懒理民间反对,採取多项措 施以表达欢迎中国同胞之情,首先係成为世上第四个向中国发出10年旅游签证的国家,今年9月仲会首度批出 5,000个工作假期签证名额。

消息一出首当其冲当然係澳洲本地人,阿珍个洋人朋友就话依家超市的「 限奶令 」,连当地人都限制最多买2罐奶粉,依家旅游签证延长咗,意味水货客将会更频密出现。但原来喺澳洲工作假期嘅港人一样咁担心,身在墨尔本个细姪就同阿珍大吐苦水,佢话依家好多工种已经畀台湾人以低于标準工时嘅人工抢走,再加多五千个中国人来争饭食,睇怕仲难捞过喺香港,阿珍惟有安慰佢话香港已经跌出中国人最爱的三甲,如果喺澳洲争唔到,不妨返香港休息吓。

爱你等于害你?!  强国客 抢滩袋鼠国@杜游珍延伸阅读:环球 UBER 体验 赢一大截喎! @杜游珍Selfie 禁不住 自拍花生几件事 @杜游珍



相关推荐